فرحان الفدعاني
05-05-2008, 11:41 PM
هذه المساجله كانت بيني وبين الشاعر سالم السويلمي وعساها تنال رضاكم
الناس تنظـر للمؤشـر والأرقـام=وأنـا أناظريـا سعـد يــم لارا
من شفتها والقلب في حبها هـام=ومقابل التلفـا ز ليـل ونهـا را
كني سجينٍ حاكمينـه باالأعـدام=والا كسيـرٍ مـا لقولـه جبـا را
نهيت قلبي عن هوى بنت الأعلام=ياقلب أبعد عن بنـات الحضـارا
قال البلا من عينها ترسل أسهـام=من صابته راحت حياتـه خسـارا
طول رقبتها كنهـا ريـم الاريـام=ومن خدها ورد الطبيعـه يغـارا
الزيـن كاسيهـا لياحـد الأقـدام=ومع الحلا والزيـن فيهـا وقـارا
ياليتني ما شفتهـا ياأبـو صـدام=عـز الله أنـه دمرتنـي دمـارا
بنا ت حوى جنبها بعينـي أقـزام=با صرخ وأقوله في صريح العبارا
قلبي غدتبه يا سعد بنت الأشـوام=خلاص مابي غيرها من العـذارا
وراعي الهوى والحب ما ظن ينلام=ليا صار قلبـه مايبـي غيـر لارا
رد على القصيده الشاعروالأخ سالم السويلمي
لو طعتني جنب دروب اهل الاعـلام=ماقـدَر العشـاق يسـرا وســارا
النجم في صدر السماء باقي وسـام=ينشـاف لكـن مايجـي للسهـارى
والزين ماهو في مصر لا ولا الشام=الزين فـي شبـه الجزيـره تبـارا
شيله / نقاب / وبرقع / او حتى ألثام=ماينستـر ياكـود زيـن ٍ دمــارى
بنت الاصل بنت الاجاويـد الاقـرام=يابعـد منهـن عرضـة ٍ للسكـارى
ماطالها ياكـود فـارس وضرغـام=رجل ٍ ولاهو من (بتوع) الغضـارى
(زين سبشل) ماطالته ايـد الاقـزام=ماهو معـرض يالخـوي للتجـارى
وجهة نظر وابديتهـا ماهـو الـزام=وراح اختصرها يالخـوي بعبـارى
ليتك مبـدل كلمـة اشـوام بحشـام=ومبعـد عـن الاعـلام ودروب لارا
النجم في صدر السماء مثل الوشـام=ينشـاف لكـن مايجـي للسهـارى
(((وهذا ردي على الأخ سالم)))
سالم سلمت ودمت ياالليث ضرغام=وعساك تبقى من طـوال العمـارا
طالبك يابـن العـم لاتزيـد الألام=وتنبش جروحن ذقت منها المرارا
لاتلومني على قصيده قبـل عـام=كتبتها فـي ليـل مـدري نهـارا
ساعة كتبته كانت أعصابي حطـام=نهار سوق المـال جـاه انهيـارا
قلته وأنت جالس مع ربوعن حشام=ولاكان قصدي غير مزح وعيـارا
قلنا بدل مانجلس نعـض الأبهـام=على الدراهم يوم راحـت خسـارا
نكتب أبيات الشعرفي بنت الأشوام=أبرك من أسواق الفلس والعقـارا
ماقلتها ياالوايلـي حـب وهيـام=ماهـو هوايـه قـوم يـارا ولارا
اللي سبت عقلي وقلبهـا بهاهـام=جمالهـا ماتعـرضـه للتـجـارا
هواي من تلبس عبايه مـع لثـام=بعيني تساوي كل بنات الحضـارا
بنت البدوبنت الأصل بنت الأكـرام=هي مطلبي من بين كـل العـذارا
وســـــــلامــتـــكــم
الناس تنظـر للمؤشـر والأرقـام=وأنـا أناظريـا سعـد يــم لارا
من شفتها والقلب في حبها هـام=ومقابل التلفـا ز ليـل ونهـا را
كني سجينٍ حاكمينـه باالأعـدام=والا كسيـرٍ مـا لقولـه جبـا را
نهيت قلبي عن هوى بنت الأعلام=ياقلب أبعد عن بنـات الحضـارا
قال البلا من عينها ترسل أسهـام=من صابته راحت حياتـه خسـارا
طول رقبتها كنهـا ريـم الاريـام=ومن خدها ورد الطبيعـه يغـارا
الزيـن كاسيهـا لياحـد الأقـدام=ومع الحلا والزيـن فيهـا وقـارا
ياليتني ما شفتهـا ياأبـو صـدام=عـز الله أنـه دمرتنـي دمـارا
بنا ت حوى جنبها بعينـي أقـزام=با صرخ وأقوله في صريح العبارا
قلبي غدتبه يا سعد بنت الأشـوام=خلاص مابي غيرها من العـذارا
وراعي الهوى والحب ما ظن ينلام=ليا صار قلبـه مايبـي غيـر لارا
رد على القصيده الشاعروالأخ سالم السويلمي
لو طعتني جنب دروب اهل الاعـلام=ماقـدَر العشـاق يسـرا وســارا
النجم في صدر السماء باقي وسـام=ينشـاف لكـن مايجـي للسهـارى
والزين ماهو في مصر لا ولا الشام=الزين فـي شبـه الجزيـره تبـارا
شيله / نقاب / وبرقع / او حتى ألثام=ماينستـر ياكـود زيـن ٍ دمــارى
بنت الاصل بنت الاجاويـد الاقـرام=يابعـد منهـن عرضـة ٍ للسكـارى
ماطالها ياكـود فـارس وضرغـام=رجل ٍ ولاهو من (بتوع) الغضـارى
(زين سبشل) ماطالته ايـد الاقـزام=ماهو معـرض يالخـوي للتجـارى
وجهة نظر وابديتهـا ماهـو الـزام=وراح اختصرها يالخـوي بعبـارى
ليتك مبـدل كلمـة اشـوام بحشـام=ومبعـد عـن الاعـلام ودروب لارا
النجم في صدر السماء مثل الوشـام=ينشـاف لكـن مايجـي للسهـارى
(((وهذا ردي على الأخ سالم)))
سالم سلمت ودمت ياالليث ضرغام=وعساك تبقى من طـوال العمـارا
طالبك يابـن العـم لاتزيـد الألام=وتنبش جروحن ذقت منها المرارا
لاتلومني على قصيده قبـل عـام=كتبتها فـي ليـل مـدري نهـارا
ساعة كتبته كانت أعصابي حطـام=نهار سوق المـال جـاه انهيـارا
قلته وأنت جالس مع ربوعن حشام=ولاكان قصدي غير مزح وعيـارا
قلنا بدل مانجلس نعـض الأبهـام=على الدراهم يوم راحـت خسـارا
نكتب أبيات الشعرفي بنت الأشوام=أبرك من أسواق الفلس والعقـارا
ماقلتها ياالوايلـي حـب وهيـام=ماهـو هوايـه قـوم يـارا ولارا
اللي سبت عقلي وقلبهـا بهاهـام=جمالهـا ماتعـرضـه للتـجـارا
هواي من تلبس عبايه مـع لثـام=بعيني تساوي كل بنات الحضـارا
بنت البدوبنت الأصل بنت الأكـرام=هي مطلبي من بين كـل العـذارا
وســـــــلامــتـــكــم