سالم السويلمي
06-05-2008, 01:09 PM
http://toraath.jeeran.com/fal30.JPG
يالبازعي طيري طلع مثل راعيه = زولٍ وفعلٍ والمـواري تشابـه
بالطلع موقف ما لقي من يماريـه = عساه يسلم سيـدي يـوم جابـه
له ماكرٍ في بر فارس محاريـه = كني اشوفه يوم خاطوا قطابـه
صفاة وجهه مع شـدوده توديـه = ضمن الحرار ولاوراها طلابه
النادر اللي يوم عزمـت اسميـه = سميته السامر واشوفه زهابـه
ليـا قفيتـه شفـت دقٍ محنيـه = وليا نطحته من عيونـه تهابـه
كن الثريا في قواطـي مواميـه = ابيض نحر كنه يشع الضوا بـه
هجرٍ قصيرالساق جبره ثناديه = وله عاتقٍ يعطي شموخ ومهابـه
ليا مسح وجهه ونهض مواطيـه = يطري علي اللي عزيـزٍ جنابـه
به من طبوعه مشبع اللي حواليه = وماخذ من طبوعه ليان بصلابـه
وجهه ليامن صاد يشبه محاليـه = لا بشر بضيـفٍ وردد هـلا بـه
لا تل سبقـه قلـت يا طيـر لبيـه = واقفى وكني كاسبٍ بـه ثوابـه
وجاهن وهو كن المنايـا تباريـه = زيزوم قـوم وفزعـوه القرابـه
اللي معه بالطلع ما عـاد يمديـه = ياصل مطاليعه وهو ما درى بـه
من عادته برق الدواغر مداميـه = في صيدته الطير غمقٍ صوابـه
ليا ضرب ما وافق الضرب يفريه = كن بيمينه من سيوف الصحابـه
ينقى كبير العرف ما هـو يخليـه = من خيشة قدمـه نهبهـا نهابـه
يا سعد عين اللي قنص عانيٍ فيه = طيرٍ وماخذ من طبـوع الذيابـه
لا صارت الدعوى عناد ومشاريـه = اخذه وكنك ماخـذٍ معـك لابـه
الطير احبه حيل من حب راعيه = عبد العزيز اللي عزيـزٍ جنابـه
يالبازعي طيري طلع مثل راعيه = زولٍ وفعلٍ والمـواري تشابـه
بالطلع موقف ما لقي من يماريـه = عساه يسلم سيـدي يـوم جابـه
له ماكرٍ في بر فارس محاريـه = كني اشوفه يوم خاطوا قطابـه
صفاة وجهه مع شـدوده توديـه = ضمن الحرار ولاوراها طلابه
النادر اللي يوم عزمـت اسميـه = سميته السامر واشوفه زهابـه
ليـا قفيتـه شفـت دقٍ محنيـه = وليا نطحته من عيونـه تهابـه
كن الثريا في قواطـي مواميـه = ابيض نحر كنه يشع الضوا بـه
هجرٍ قصيرالساق جبره ثناديه = وله عاتقٍ يعطي شموخ ومهابـه
ليا مسح وجهه ونهض مواطيـه = يطري علي اللي عزيـزٍ جنابـه
به من طبوعه مشبع اللي حواليه = وماخذ من طبوعه ليان بصلابـه
وجهه ليامن صاد يشبه محاليـه = لا بشر بضيـفٍ وردد هـلا بـه
لا تل سبقـه قلـت يا طيـر لبيـه = واقفى وكني كاسبٍ بـه ثوابـه
وجاهن وهو كن المنايـا تباريـه = زيزوم قـوم وفزعـوه القرابـه
اللي معه بالطلع ما عـاد يمديـه = ياصل مطاليعه وهو ما درى بـه
من عادته برق الدواغر مداميـه = في صيدته الطير غمقٍ صوابـه
ليا ضرب ما وافق الضرب يفريه = كن بيمينه من سيوف الصحابـه
ينقى كبير العرف ما هـو يخليـه = من خيشة قدمـه نهبهـا نهابـه
يا سعد عين اللي قنص عانيٍ فيه = طيرٍ وماخذ من طبـوع الذيابـه
لا صارت الدعوى عناد ومشاريـه = اخذه وكنك ماخـذٍ معـك لابـه
الطير احبه حيل من حب راعيه = عبد العزيز اللي عزيـزٍ جنابـه