للشعر شاعر ثم راوي ونقاد

[سالم السويلمي]

هذي القصيده للشاعر المبدع فواز العمري

قصيده ذات قيمه في وقت قلت فيه مثل هذه القصائد


ياعناد زانت شبت النـار ياعنـاد=عجل علينا بالحطـب ياعضيـدي
واشعم لنا وقده وزدهـا اليـا زاد=برد(ن) يقص العضم لوهو حديدي
واقلط علـى وارد مثاميـن بغـداد=ماباعها بالسوق هنـدي وزيـدي
ماهي دلال السيف لا يابن الاجـواد=ولاهي ترامس قوم( بابا)( وسيدي)
وعطني وسمعني قصيد بن عـواد=والا من العمـلاق والا الوسيـدي
الشعر له في ساحـة الشعـر رواد=وعلى مناهجهم سريت بقصيـدي
قلته وانـا ياهـل التماثيـل قصـاد=واليا نضمت ازن معانـي جديـدي
ازن واسوق القاف والقاف ينقـاد=قود الجمل لاقـاد وقـت المديـدي
وانشد وانا عن حامض العلم نشاد=واسمع من اهل المعرفه واستفيدي
ياعناد كثر الهرج والقـرق مافـاد=مافـاد مـن قالـه ولاهومفيـدي
لو قال انا كحيلان ولا ابن شـداد=ولوقال انا البيطار رايـي سديـدي
للشعر شاعـر ثـم راوي ونقـاد=ولولا الثلاثه طاوي (ن) منه قيدي
والوضع اشوفه صاير اطلاب وجهاد=ويالله تجملنـي وترفـع رصيـدي
طالبك يامن يمـك العبـد لا عـاد=تدمـح وتقبـل تايبيـن العبيـدي

للشاعر : فواز العمري

[ابوعزوز]

يعطيك العافيه


وصح السان الشاعر والسان راويها


شكرا لك من الاعماق



لك الود

[عمر الشيبي]

صح لسان راعيها


وسلم ذوقك يا سالم

[ام نواف]

صح لسان راعيها وناقلها..

يعطيك العافية سالم...